點解我要撐五區公投？

特區政府，都唔知係變左，定係不嬲都唔會以人為本。佢就話造咨詢，實情只係程序上造場Show。到底佢有幾多，真係聽"唔係選佢做特首果八百人"市民意見。以反高鐵運動為例，無形係開啟了一道了解這群對建制派及功能組表有幾荒謬的大門。這一道大門話比我地知，當中牽涉到既利益衝突，同佢地有幾順應民意(民建聯的意向)。他們對政府極之信任。可以唔問問題，唔去深究計劃，就對政府投下信任既一票，最終能令撥款獲得通過。

近日，民建聯好大手筆，係小弟聽開既商業電台買下十八日的深宵節目時段。呢個政黨由臨立會到現在，做過幾多出賣香港人的事情。呢個好明顯係以錢傷人，濫用了香港已經缺乏的主流媒體平0台去作宣傳、同化。呢個係打壓香港言論自由既一小步，其實係令香港失去民主自由的一大步。

軟性去洗腦，否其實是十分可怕。想見到香港會變成一個有不公平事情發生，都冇人出聲嗎？想見到香港成為一個講野又冇牙力，競爭又冇實力的地方嗎？點解香港比起其他內地城市有優勢？係因為呢度言論自由得到保障，可以發表不同觀點論術。有民間的聲音去有效監察政府，確保公平透明。可惜的，在回歸後，香港呢D咁寶遺咁獨特既地方，慢慢被陰乾。咁我們還可以有咩方法去表達我們的聲音？

我唔鐘意社民連，我唔係公民黨。但我覺得到今時今日，打壓來得越來越嚴重，眼見政府偏幫大財團大商家，小市民要被勞勞役役去過失去自我的生活，創意不受重視，衣食住行成為生活最大的煩惱。我細個讀書所講的行政、司法、立法互相制衡，互相監察，死左去邊？

正正係立法會存在著一班有既得利益的功能組別及忠心傾共的保皇黨，才令到今日立法會失去了把關的作用。政府成日話衝下鐵馬都激進，咁宜家咪用立法會補選作一個變相公投，去表達我對政策及功能組別的不滿。一日有保皇黨，一日有功能組別，一日政府都仲係冇腦剩係聽阿爺老點，咁香港人遲早個個變啞巴。廿三條會變身重來，小市民越來越得不到保障，難度我們仲要錯失呢D去表態既機會嗎？早日如飛，路途險惡，唔好好把握今天，那未來就更難想像。

馮景恆@我手打我口，文筆欠奉，請大家見諒。